Bandarískur kynferðisglæpamaður

Hvað skyldi þessi óþverri hafa fengið langan dóm fyrir kynferðisglæpina sem hann framdi á Íslandi, hefði hann verið dæmdur hérlendis. Ég giska á sex mánuði til eitt ár. Menn eru í mesta lagi dæmdir í 2 - 3 ár og síðan náðaðir þegar helmingur tímans er liðinn. Ég vildi óska að dómstólar hér færu að hugsa sinn gang, og Alþingi að setja ný lög um þyngri refsingar fyrir svona afstyrmishátt, sem veldur djúpum og oft ólæknandi sárum á sál barnanna sem fyrir verknaðinum verða.

80 ára fangelsi fyrir kynferðisbrot

Strákarnir Okkar

Jæja, nú eru blessaðir handboltastrákarnir orðnir Strákarnir Okkar enn einn gang, og það með 320 000 manna stolti.  Þjóðin stendur á öndinni og taugar landsmanna eru þandar til hins ítrasta. Ég er þess fullviss að jafnvel karlægt fólk rís upp við dogg og hvetur Strákana Okkar á skerminum.

Þeir tala um það Þorsteinn og Co. á stöð 2 sport að þjóðin sé öll orðin eins og þjálfari og þeir ættu að eiga auðvelt með að vinna hafandi á fjórða hundrað þúsund þjálfara. Víst er að þeir heilla alla þjóðina upp úr skónum á meðan þeir vinna hvern leikinn á fætur öðrum, en hversu oft hefur það ekki gerst í gegnum tíðina að þeir tapa og þá verða þeir allt í einu bara strákarnir eða handboltalandsliðið og þetta hlýlega Okkar hverfur úr máli manna

Mér finnst það alger heimtufrekja að "afokkara" þá oftast þegar móti blæs, því þeir þurfa allan stuðning sem þeir geta fengið, alltaf,  hvernig sem fer. Við rekum ekki börnin okkar að heiman þó þau standi sig ekki allskostar á stundum, því finnst mér að við eigum að hætta að taka Strákana Okkar í fóstur tímabundið,en standa alltaf með þeim, alla leið.

Ertu ruglaður vinur

?

ASÍ: Stefnan í Icesave hefur skaðað stöðu Íslands

Gaman, gaman

Nú er kátt í bæ hjá öllum sem hafa áhuga á handboltanum. Svona byrjun á heimsmeistaramóti er ekkert annað en stórgjöf liðsins til okkar allra sem höldum með þeim, en erum samt oft og tíðum ekkert annað en viðhlæjendur og fljót að snúa við þeim bakinu þegar illa gengur, þannig að við mættum skammast okkar fyrir heimtufrekjuna.

Ég óska liðinu af öllu hjartra til hamingju með þennan fyrsta sigur -  af þeim öllum sem eiga eftir að koma þeim á toppinn. Guðmundur er frábær þjálfari og strákarnir sem liðsheild flottir og sjálfsöruggir. Eini maðurinn sem virðist vanta smá sjálfsöryggi er markmaðurinn, en hann virðist eins og hissa eða frekar að hann hafi gert eitthvað sem hann átti ekki von á í hvert skipti sem hann ver.

EN ÁFRAM STRÁKAR VIÐ ERUM ÖLL Á BAK VIÐ YKKUR OG STÓRT HUGARAFL GERIR MIKIÐ! 

Vonandi góður lúr í heilnæmu lofti

Er ekki alveg upplagt að taka með sér heitt kaffi, nesti og nóg af teppum ef farið svona leiðangur. Ég skil ekki að þetta geti verið svona "óskemmtileg lífsreynsla" fyrir mann sem virðist hafa gist í Oddskarðsgöngum af og til hingað til, og á von á að þurfa jafnvel að gista þar oftar. Maðurinn er greinilega orðinn hagvanur, þó öðru máli kunni að gilda um þann sem var í för með honum. Þetta virðist mér fremur lítill fréttamatur.

Er hann einn um þetta eða er þetta etv. eins og hótel þegar verst er?

Hvernig væri að ath. veðrið áður en lagt er af stað?

Svaf í Oddskarðsgöngum

Von

 

 Mér líst bara vel á nýja árið, þó ekki hafi ég mikla trú  á að það líði við aukna hagsæld. Ég er líka ennþá að furða mig á hvað 310. 000 manns geta verið ósammála um alla hluti. Mér sýnist ansi stór hluti stjórnmálamanna eyða of miklum tíma í argaþras í staðinn fyrir að bretta upp ermarnar og hreinsa til.

Að það skuli ekki ennþá vera búið að dæma glæponnana, sem settu landið á hausinn, fyrir löngu, skapar með mér óróleikatilfinningu. Enda þeir etv. sem þjóðhetjur í ætt við Bonnie og Clyde, eða aðra stórglæpamenn vestan hafs sem virðast hafa verið settir upp á stall? Etv. væri hægt að gera einhverskonar glæpamannasafn, í ætt við Reðasafnið á Húsavík, Þeir tækju sig aldeilis vel út feðgarnir tvennir, þessir í fínu fötunum og þeir sem kenndir eru við svínið.  

Ég er nú samt ekki að tala um að hafa þá berrassaða, sei sei nei. Það mætti jafnvel hafa stytturnar úr hertum skít, í ætt við eðli sýningargripanna. Þetta yrði eflaust mikil túrista "attraksjón" og aðgangseyririnn myndi etv. duga til að stytta matarbiðraðirnar, sem eru ennþá í fullri lengd, illu heilli. Það er verst með húsnæðið, vill einhver hýsa allan bunkann af þeim sem tróðu á okkur hinum og stálu öllu sem hægt var  að stela, utan og innanfrá. Jafnvel þó ekki væru þeir í eigin persónu, heldur bara úr skít.

Annars á ég ekkert nema góðar óskir þér til handa lesandi minn og vona að þú og sem allraflestir aðrir njóti nýja ársins.

Smá von

Tæplega 40.000 undirskriftir er frábær árangur, en stöðvar það Steingrím skattakrumlu.

Bjartsýnir á að söfnunin muni hafa tilætluð áhrif

Ja hérna hér, eða hvað?

Þessi blessuð höfn sem er líklega eitt mislukkaðasta mannvirki síðastliðinna ára, fyllist ekki bara af sandi, sem kostar ærið fé að moka upp aftur, fyrir utan fyrirhöfn og tímann sem það tekur, aðra hverja viku eða svo, heldur státar hún af bílastæði sem hver sá sem þarf að lakka eða láta lakka bílinn sinn getur sparað sér sanblástur á undan þeirri aðgerð.

Ég legg til að komið verði upp stöð, fyrir þennan sandblástur og annan sandlástur fyrir sanngjarnt verð, og  þá getur þú treyst því að það verður ekki málningararða eftir á druslunni þegar þú kemur aftur úthvílddur úr helgarfríi í Eyjum, þeir eru jú landsþekktir fyrir gestrisni. Ef það skyldi nú vilja svo til að vind lægði, má bara nota stórar viftur til að halda blæstrinum gangandi, það er jú nóg af sandi þarna sem hefur verið mokað upp úr höfninni.

Þetta verður þá eins og einhverskonar eilífðarvél, moka, moka, blása blása og allir verða kátir. Þá er aðeins eitt smávandamál. þ.e. ef höfnin fyllist ekki nógu hratt, jú, þá má bara moka inn í hana aftur svo það sé hægt að moka upp úr henni aftur, eða beina blæstrinum bara beint út í höfnina aftur.

Vestmanneyingar, ja, jú, þeir verða víst bara að sína biðlund og nota Þorlákshööfn á meðan á sandblæstrinum stendur, en það mætti kannski moka dálítið hressilega upp svona fyrir jól og páska. Þeir þyrftu ekkert að móðgast út af þessum framkvæmdum, því þetta myndi auðvitað stórauka ferðamannastrauminn til Eyja.

Bílar skemmdust í sandfoki

Verðlaunagripur?

Er þetta verðlaunagripur eða hefndargjöf? Hvar á að koma þessum ósköpum fyrir? Væri ég íþróttamaður liggur við að ég myndi afþakka heiðurinn til þess að þurfa ekki að sitja uppi með gripinn.

Annars óska ég Alexander hjartanlega til hamingju, það er dásamlegt að heyra aftur og aftur, Alexander Petersson skorar!, með ýmsum tilbrigðum.

 Það minnir mig á það gamla góða sem var svo algengt fyrir nokkrum árum, ----- og Guðmundur Hrafnkelsson ver!.

Út frá því smásaga. Vestfjarðavíkingurinn var á fullu á Bíldudal, samtímis alþjóða handboltamóti. Ég var stödd á Vegamótum sem eru veitingahús þar. Magnús Ver var að vinna stóra sigra í Víkingnum, og sjónvarpið var að lýsa handboltamótinu. Gömul kona sem kom þarna inn, horfði smástund á sjónvarpið, leit á mig og sagði, "ætli þeir séu bræður Magnús Ver og þessi Guðmundur Hrafnkelsson ver?"

 

Alexander íþróttamaður ársins

"Vinátta"

Sér er nú hver vináttan. Hann er kannski í hópi þeirra sem fengu greiddan arð?

 

„Íslandsvinur“ kaupir Facebook