Elsti Íslendingurinn látinn

 

Morgunblaðið slær nokkrum sinnum á ári upp "stórfrétt" um að elsti Íslendingurinn hafi látist. Ég skil ekki hvers vegna blaðið leggur svona mikla áherslu á þetta, því það er alltaf einhver elstur og ekkert eðlilegra en að fólk fari yfir móðuna miklu þegar það er orðið vel rúml. 100 ára.

Etv.ættu þeir á mbl.is  til að stofna veðmálabanka, fyrir spilafíkla, þar sem veðjað er á hvort einhverjir yngri  fari næst, eða hvort þeir eldri fari í réttri tímaröð, eða, ja, það eru margir möguleikar.

Fólk gæti orðið skítthrætt við að vera á lífi ef það stangast á við einhverjar spilaformúlur.

 

Elsti Íslendingurinn látinn

Athugasemdir

[Axel Jóhann Hallgrímsson, 22.8.2011 kl. 14:15]

Annað áhugamál sem heltekur Moggann er Hugo Chavez forseti Venezuela. Þeir fylgjast grannt með honum, hverri hans hreyfingu og athöfnum og svíkjast ekki um að miðla þeim áhuga sínum. Að þeim Mogga mönnum frátöldum held ég að ekki einn einasti íslendingur hafi hinn minnsta áhuga á þessari mannfýlu.

[Ágúst (IP-tala skráð) 22.8.2011 kl. 14:51]

Láttu ekki svona Axel, Hugo er ein helsta fyrirmynd Steingríms og Jóhönnu!

[Ólafur Ólafsson, 22.8.2011 kl. 15:31]

Mér fannst athyglivert að lesa þessa frétt um hana Torfhildi...fyrir utan að nafnið hennar er svolítið sérstakkt þá var ég að hugsa þegar ég las fréttina hversu mikill hörkunagli konan hefur verið að brotna á mjöðm og verið transportuð suður, síðan reyrð saman og svo drifið sig norður aftur 600-700km. Hörku nagli segi það aftur...í frammhaldi skoðaði ég Íslendingabók og sá þar að ég er ekki svo fjarskyldur henni sem ég gladdist yfir. Nei blöð eru nátturulega fyrir svo breiðan hóp af fólki og sem betur fer koma þau enþá út, sneiðum bara hjá því sem við höfum ekki áhuga á og hættum að agnúast út af svona nokkru...Með kveðju frá Indónesíu

[Ásthildur Cesil Þórðardóttir, 22.8.2011 kl. 16:09]

Torfhildur var hörkukona og afar hraust alla tíð.  Svolítið farin að gefa sig í minni, en að öðru leyti eins og unglamb.  Blessuð sé minning hennar, ég votta aðstandendum hennar mínar dýpstu samúðarkveðjur.

[Bergljót Gunnarsdóttir, 22.8.2011 kl. 17:02]

Skal tekið fram að það er ekki meiningin að halla á nokkurn hátt á Torfhildi eða lífshlaup hennar. Megi hún fara í friði og allar góðar vættir vernda hana. Hún var greinilega hörkukona eins og þú segir Ásthildur. Né ætla ég að steja út á fólk almennt, sem verður það á að deyja.

Öðru máli gildir um þessa eilífu fyrirsögn mbl. is,  Elsti Íslendidngurinn látinn, en það gerist oft ansi títt.

[Ragnar Áki Jónsson (IP-tala skráð) 22.8.2011 kl. 18:49]

Að svona gamalli konu hafi verið tjaslað saman með hraði í Reykjavík og síðan send heim í sína sveit með sama hraði, vekur mann til umhugsunar um hvert stefnir í velferðarríkinu, nú þegar flokkar sem kenna sig við félagshyggju og þykjast bera velferð þeirra sem minna mega sín fyrir brjósti sitja við stjórnvölinn. 

[Steini spil (IP-tala skráð) 22.8.2011 kl. 22:56]

Það mætti kannski benda Ágústi (og fleirum) á hver er ritstjóri Morgunblaðsins. Sækjast sér um líkir.

[Guðný Benediktsdóttir (IP-tala skráð) 22.8.2011 kl. 23:54]

Hvenær dó elsti íslendingur á undan henni ?

[Svanur Pálsson (IP-tala skráð) 23.8.2011 kl. 11:25]

Þú ert nú meiri gæran

[Bergljót Gunnarsdóttir, 23.8.2011 kl. 21:07]

Guðný, Þuríður Samúelsdóttir lést 2. ágúst sl. 105 ára að aldri. þá elst allra Íslendinga.