Geðveik hugmynd

Mikið held ég að Pétur Blöndal sé góður maður. Hann hefði viljað fangelsi við höfnina svo gæpamenn þjóðarinnar hefðu sem best úsýni og gætu horft á fólk á næturröltinu bítast og slást, brjóta flöskur og hafa allskyns misjafna starfsemi í gangi.

Þetta myndi eflaust lyfta föngunum á hærra plan, því þeir hefðu fyrir framan sig væntanlegan starfsvettvang, og gætu skipulagt allt út í ystu æsar.

Ekki væri heldur verra hversu stutt væri á veitingastaðina þegar þeir gera stuttar strokutilraunir,  þá gætu þeir hellt í sig nokkrum glösum og keypt sér dópbirgðir, gaman, gaman, því enginn tími færi í að koma sér í sollinn.

Já góður maður Pétur!

Þeir tala oft svona sem eru blindir á menningu og listir, sama af hvaða tagi það er.

Já góður maður Pétur Blöndal, en heldur leiðinlegur. Ég finn verulega til með honum..

Hefðum átt að breyta holunni í fangelsi

Athugasemdir

[hilmar jónsson, 15.5.2011 kl. 21:57]

Pjúra humanisti og menningarsinni.....

[hilmar jónsson, 15.5.2011 kl. 22:07]

Hann Pétur altso..

[Bergljót Gunnarsdóttir, 15.5.2011 kl. 22:22]

Já góður maður , en leiðinlegur!

[Ingibjörg Guðrún Magnúsdóttir, 15.5.2011 kl. 23:42]

Ég held að hann Pétur segi bara blákaldan sannleikann eins og hann er, við höfum ekki efni á þessu húsi og það hefði verið allt í lagi að klára vissan grunn og geyma svo áframhald á framkvæmdum í 2 ár eða svo á meðan við Íslendingar erum að komast yfir það versta, en þessi Norræna velferðarstjórn lifir enn þá í útrásinni það er alveg augljóst...

Veit annars einhver hver heildarkostnaður er orðin það sem af er þessu ári á þessu húsi...

Það er verið að skera niður allstaðar í samfélaginu vegna þess að við höfum ekki efni á Því að reka það...

Á sama tíma horfum við á að það er BRUÐLAÐ með þá litlu peninga sem til eru í þetta hús og ESB aðlögun...

[Ásthildur Cesil Þórðardóttir, 15.5.2011 kl. 23:53]

Þegar hann sagði að það væru ekki til fátæklingar á íslandi bara afætur, þá hætti ég að hlusta á þennan mann, svo er mér sagt að hann sé svo blóðnískur að hann tími varla að fá sér að éta.   Ef það eru ekki rimlar hugarfarsins veit ég ekki hvað.

[Bergljót Gunnarsdóttir, 16.5.2011 kl. 01:10]

Fátækt gamals fólks á Íslandi er tilkomin af því að það stundar drykkjskap og óreglu sagði hann fyrir nokkrum árum í sjónvarpinu. En hann útskýrði ekki hvar blessað fólkið fengi peninga fyrir öllu brennivíninu?