Hvað er í gangi?

Hvað er eiginlega í gangi. Er samfélagið orðið svo gegnsýrt af frekju, yfirgangi og stjórnleysi að rugluðu fólki finnist bara sjálfsagt að rústa bíl sem stendur og bíður eiganda síns, eða unglingur gengur berseksgang vegna þess að honum mislíkar kona föður síns. Auðvitað þarf ungi maðurinn á hjálp að halda og vonandi að hún komi fljótt og virki vel.

Að lesa um þetta fær kalt vatn til að renna milli skinns og hörunds á manni. Hverju er næst von á, og hver verða fórnarlömbin.

Mér er líka lífsins ómögulegt að skilja þann skort á sjálfsvirðingu að taka þátt í í skipulagðri glæpastarfsemi. Það virðist vera viðtekin staðreynd, virkilegur raunveruleiki að menn sitji bara og ráði ráðum sínum í mestu rólegheitum, hvernig hlunnfara megi náungann, með eða án líkamsmeiðinga eða annars ofbeldis og framkvæmi það síðan ískalt, án nokkurrar vægðar.

Það hrista eflaust margir hausinn og hugsa, hvað er manneskjan að rausa, en það breytir því ekki að það setur orðið svo miklu oftar að manni óhug, en maður kærir sig um og eðlilegt er. Og orsökin er frekja, græðgi og yfirgangur.

Rústuðu bíl grunnskólakennara

Athugasemdir

[Axel Jóhann Hallgrímsson, 9.5.2012 kl. 23:51]

Ég hef lent í þessu sjálfur á bílastæðinu við Grindarvíkurafleggjarann , rúður voru brotnar og bíllinn skemmdur, en engu stoðlið úr honum.

Hér er hrein og tær skemmdafíkn á ferðinni, ekkert annað, stælar og manndómssönnun.

Í dag fór ég í Bæinn og varð satt best að segja hissa að sjá jeppa standa í vegkantinum á Reykjanesbrautinni, enn með allar rúður heilar eftir að hafa staðið þar í rúma viku, númerslaus.

Raunar skil ég ekki af hverju hann hefur staðið þarna allan þennan tíma, lögreglan lætur yfirleitt fjarlægja bíla af brautinni daginn eftir að þeim var lagt eða þann næsta.

[Bergljót Gunnarsdóttir, 9.5.2012 kl. 23:58]

Er þetta einhver huldubíll sem enginn sér nema þú?

[Axel Jóhann Hallgrímsson, 10.5.2012 kl. 00:18]

Þetta er blár og silfurlitaður, gamall Mitsubishi Pajero langur, sem stendur rétt vestan við vegamótin upp að Keili (akreinin í austur).

[Karl J. (IP-tala skráð) 10.5.2012 kl. 02:26]

Axel ég get ekki verið sammála því að löggan sé fljót að láta fjarlægja bíla af brautinni. Ég ferðast mikið um hana vegna vinnu og oft líða ansi margir dagar áður en bílar hverfa af vettvangi.

[DoctorE (IP-tala skráð) 10.5.2012 kl. 09:22]

Það eru óskrifuð "lög" á íslandi að ef mennn skilja bíla eftir utan alfaraleðar.. þá verður honum rústað af einhverjum smásálum

[Ásthildur Cesil Þórðardóttir, 10.5.2012 kl. 09:55]

Þetta er sannarlega sorgaratburður.  Mikið áfall fyrir konuna.  Af hverju unglingar taka upp á svona löguðu er erfitt að skilja.  En það virðist vera því miður að eitthvað sé að hjá unglingum á þessu svæði samanber fleiri eineltismál og slíkt.  Hér þarf að taka til hendinni og skoða hvað er í raun og veru upphafið að þessu öllu saman. 

[Jón Garðar (IP-tala skráð) 10.5.2012 kl. 10:13]

Unglingar??? ... hver segir að þetta hafi verið unglingar? Hvaða rugl er í þér Ásthildur? Veist þú eitthvað meira um þetta en kemur fram í fréttinni?

[Ásthildur Cesil Þórðardóttir, 10.5.2012 kl. 10:28]

Það er auðvitað rétt hjá þér Jón Garðar.  En af því að þarna var ekki um ránstilraun að ræða heldur einungis skemmdarverk, kom þetta fyrst upp í hugann.  Auðvitað eru þetta fordómar hjá mér.

[DoctorE (IP-tala skráð) 10.5.2012 kl. 12:17]

Þetta geta verið menn á hvaða aldri sem er.. frá börnum upp í öldunga.. dópaðir eða clean, fullir eða edrú

[sammi (IP-tala skráð) 10.5.2012 kl. 13:18]

Range Rover=Game over

Hummer=Bömmer

Land Cruiser=Grand Lúser

Þeir sem eiga bíla af þessum tegundum geta búist við hatri.

Hver skyldi ástæðan vera?

[Guðmundur Ásgeirsson, 10.5.2012 kl. 23:08]

Hvað segirðu er bíll í sæmilegu ástandi í óskilum á Reykjanesbrautinni?

HVERGI og ALDREI gæti það gerst nema á Íslandi árið 2012!

Þetta fer bráðum að minna á Apaplánetuna.