Hvers vegna?

Hvers vegna fer ungt par sem á þrjú börn til Kaupmannahafnar og kemur heim með 300 gr. af Kókaini? Peningavandræði? Jú líklega á þessum síðustu og versti tímum. Nú sitja þau uppi með verknaðinn, skömmina og eftirsjána. Þetta er jólaglaðningur þeirra til barnanna sinna í ár.

Þegar þrengir að og fólk sér mögulega  fram á að missa kannski aleiguna eru góð ráð oftast dýr. Ég segi þetta vegna þess að ég veit að þeir sem eru í þessu eru oftast dópistar sjálfir, eða ungt fólk í alvarlegum peningavandræðum.

Ég hef ákaflega litla eða enga samúð með fólki sem tekur svona ákvarðanir. Það pælir ekkert í hvað það er að gera, hvert þetta fer, og hverjir neyta þess. Hvernig liði þessum ungu hjónum ef þau vöknuðu við það einn góðan veðurdag, að öll þrjú börnin væru orðnir fíklar. Af hverju? Vegna þess að fólk sem hugsar jafn skammt og þau er að smygla dópi.

 

Hjón tekin með kókaín

Athugasemdir

[Ásthildur Cesil Þórðardóttir, 10.12.2010 kl. 09:11]

Já þetta er skelfilega sorglegt.  En við skulum muna að sökin er ekki eingöngu þeirra, þau eru lílka fórnarlömb, það eru þeir sem sanda þau út sem eiga að dæmast.  En það er nefnlega ótrúlegt nokk enginn áhugi stjórnvalda að finna þá sem fjármagna söluna og sjá um hana, ekki frekar en að fangelsa útrásarvíkingana.   Það mætti ætla að þeir sem stjórna þessu væru einhversstaðar hátt upp í samfélaginu okkar.  Það lítur þannig út því miður.

[Bergljót Gunnarsdóttir, 10.12.2010 kl. 09:59]

 Ásthildur. Ef þau eru neytendur mætti orða að þau væru á vissan hátt fórnarlömb.  Ef þau eru það afturámóti ekki, þá er þessi ákvörðun eins og fólkið sé ekki með öllum mjalla, að láta sér detta þetta í hug.

Ég er fullkomnlega sammála um að það læðist að manni sá grunur að fjármagnið og hin raunverulega sekt komi frá einhverrjum silkihúfum þarna uppi, og þeim ekki aðdáunarverðum.

[Ásthildur Cesil Þórðardóttir, 10.12.2010 kl. 10:50]

Einmitt.  En eins og þú segir hér fyrr réttilega að annað hvort eru þau neytendur eða í alvarlegum peningavandræðum.  Það er auðvitað aldrei hægt að afsaka svona gerðir með því.  En málið er að vandinn liggur ekki þarna svona í heildina, heldur hjá þeim sem skipuleggja og fjármagna batteríið.  Meðan ekki er reynt að hafa hendur í hári þeirra verða alltaf til burðardýr, því það verður bara sá næsti sem tekur við því miður.  Þetta er vítahringur sem margir komast ekki upp úr. 

Þess vegna er mikilvægt að gera sér grein fyrir að aðalsökin liggur hjá eiturlyfjabarónunum og stjórnvöldum fyrir að reyna ekkert til að finna þá.  Það þarf ekki að segja mér að á eyju út í miðju ballarhafi, með 300.000 hræður sé ekki auðveldara að koma í veg fyrir þessa glæpastarfssemi en á meginlöndum þar sem smitleiðir eru allstaðar. 

[Lisa (IP-tala skráð) 10.12.2010 kl. 13:35]

" Íslensk hjón á fertugsaldri voru handtekin í Leifsstöð á mánudagskvöldið með þrjú hundruð grömm af kókaíni. "

Alls ekki ung.

Persónulega tel ég þau hafa verið lengi í þessi bara aldrei áður komist upp.
Svo eru þessi börn ekkkert ungabörn og alls ekki eins saklaus ef þetta er fólkið sem ég held að þetta sé.

[Bergljót Gunnarsdóttir, 10.12.2010 kl. 16:01]

 Lisa! Fyrir mér er fólk á fertugsaldri, 30 + ungt.  Ég reiknaði ekki með að þetta væru ungabörn, heldur börn sem eru orðin það stálpuð að þau skilja hvað er í gangi. Þá, er þetta ennþá verri gjörningur.

Ef einhver fótur er fyrir þessu hjá þér, er ekkert eðlilegra en börnin, sem geta verið orðin unglingar, hafi tapað saklaeysinu í sambúð við þannig foreldra, og þá er ekki von á góðu. Aðhald, ástríki og heiðarleiki er það sem börnin okkar þurfa í heimanmund, ekki dópsala!.