Hamborgarahryggsgljái.

Var stödd í einni Hagkaupsbúðinni í dag og rakst þar á smádollu með hamborgarahryggsgljáa (langt orð) á kr 495. Þar sem ég þyki gera slíkt fyribrigði ákaflega "velsmagende" eins og danskurinn sem er "nota bene" að "brillera" í handbolta í sjónvarpinu þessa stundina, segir. Hlýt að vera að hugsa um gæs, með allar þessar gæsalappir. 

Hér kemur uppskriftin: Tómatsósu og sykri, hvítum, blandað saman til helminga, rauðvísskvettu bætt í og soðið rólega þar til þaað er passlega þykkt til að smyrja jafnt yfir hrygginn. Ef fólk notar ekki rauðvín með matnum má setja safa af rauðkáli og smá vatn (bara örlítið) í staðinn

Athugasemdir

[Björn Birgisson, 8.12.2010 kl. 21:37]

Hvernig fór leikurinn?

[Ásthildur Cesil Þórðardóttir, 9.12.2010 kl. 10:46]

Takk fyrir þetta Bergljót mín.  Ég ætla einmitt að hafa hamborgarahrygg á jólunum.  Ég hef venjulega sett saman sinnep, hunang og rjóma en það er gaman að prófa eitthvað nýtt.

[Bergljót Gunnarsdóttir, 9.12.2010 kl. 17:36]

Björn, ég elska léttleika í skammdeginu. Leikurinn, ég gleymdi alveg að taka eftir því. Ég var svo upptekin við að skrifa !

Verði þér að góðu Ásthildur mín, , þetta hefur alltaf vakið lukku hjá mér.