Stór - mannlegt

 

Fyrirgefningin, er liklega það eina sem getur læknað andlegar kvalir þess sem verður fyrir svona ótrúlega ómanneskjulegri árás og missir sjónina um aldur og ævi. Að hatast við þann sjálfhverfa bastarð sem gerir þér svona hlut, og gjalda líku líkt, er engin lausn, því hatrið gerir ekkert annað en að éta innanfrá. 

Ef allur heimurinn hugsaði eins og konan, væri hann, að mínu mati, ansi mikið betri og fallegri. Þessi kona á alla mína samúð og virðingu. 

Hún var heppin að játast ekki manninum, sem nú hefur sýnt að hann hefði heldur betur kúgað hana í hjónabandinu.

Fórnarlamb náðaði mann sem átti að blinda

Athugasemdir

[Axel Jóhann Hallgrímsson, 31.7.2011 kl. 15:49]

Hatrið étur innan frá, þann sem hatar en  hefur sjaldnast nokkur áhrif á þann hataða.

[DoctorE (IP-tala skráð) 31.7.2011 kl. 16:03]

Þetta mun ekki hafa fyrirbyggjandi áhrif, svo mikið er víst að ef allir væru í fyrirgefningunni.. þá .. well

[Ásthildur Cesil Þórðardóttir, 31.7.2011 kl. 21:05]

Ég held að henni líði betur á eftir.  Maðurinn á samt sem áður eftir að taka út sína refsingu og greiða henni miskabætur.  Sjá þetta kvikindi háskælandi biðjandi um miskunn, það hefur alténnt orðið honum til umhugsunar, fjandans kvikindinu að tarna. 

[Bergljót Gunnarsdóttir, 31.7.2011 kl. 22:11]

Já, það ætla ég að vona.

Ég veit af eigin reynslu að fyrirgefning þeim til handa sem hefur gert svo á hlut barnsins þíns, að myndi varða dauðarefsingu sumsstaðar í heiminum, eins og þarna, er ekkert auðveld, en það tókst og mikið var stóru fargi létt af mér. Barnið sem þá var 15 ára sagðist hafa fyrirgefið, af því hún hélt að það væri ekki hægt að lifa eftir að hafa gert öðrum svona illt. Það tók mig mörg ár í viðbót. Hatrið nagaði mig bara og gerði mér illt.

[Ásthildur Cesil Þórðardóttir, 31.7.2011 kl. 22:57]

Já Bergljót mín maður verður stundum orðlaus yfir illsku sumra hér á jörðinni.

[Eyjólfur G Svavarsson, 1.8.2011 kl. 01:32]

Ég fer ekki ofan af því að það hefði átt að rífa úr honum annað augað. Þetta var of vel sloppið og kennir öðrum að haga sér eins: það er: Að fara bara að skæla og þá sleppurðu, það gengur ekki fyrir svo alvarlegan glæp að mínu mati:

[Axel Jóhann Hallgrímsson, 1.8.2011 kl. 02:23]

Hinn prestlærði vinur minn, Jón Valur, er gagntekinn af gleði yfir þessu og kallar þetta "Fallegan vitnisburð um gildi miskunnseminnar". Í fullu samræmi við það vill hann að Noregur og önnur ríki Evrópu leiði aftur í lög líflátsákvæði  og Breivik verði líflátinn. Miskunnsemin, fyrirgefningin og kærleikurinn eru eitthvað óstöðug í rásinni hjá honum blessuðum. 

[DoctorE (IP-tala skráð) 1.8.2011 kl. 09:25]

En biblían segir að það megi ekki drepa... úps gleymdi, þá má ekki drepa þá sem eru með manni í sama ættbálki/sömu trú/sama skilning á sömu trú :)

[Ásthildur Cesil Þórðardóttir, 1.8.2011 kl. 10:11]

Jamm DoctorE Guddi drap nefnilega marga bæði börn og fullorðna sem ekki gerðu eins og hann vildi.  Og auðvitað fylgja sauðirnir herra sínum.

[Bergljót Gunnarsdóttir, 1.8.2011 kl. 14:29]

Doctore!

Er að berjast við að hætta reykingum að þínu ráði. Sendu mér góðar óskir í huganum takk, ef þú vilt vera svo vænn.