Dagur hjá Sillu og Gunna

  Hvalsnesskirkja

 

Vorum að koma heim eftir að hafa eytt meirhluta dgsins með Sillu bloggvinkonu og manninum hennar, honum Gunnari. Þau búa á Heiðarbæ í Stafnnesi, eða suður með sjó, eins og við malbiksfólkið köllum það. Það vildi þannig til í vor þegar ég hélt sýningu á Mósaik, að þau keyptu af mér mynd, sem ég gerði af syndafalli íslenskra auðmanna, en Björgólfur Thor var þar pars par toto (hluti fyrir heild) þessa siðferðislausa hóps Íslendinga. Myndin heitir Bíttu nú og þá byrjar ballið, og er tileinkuð Birni Birgissyni bloggara, sem þykist hættur þó hann svíki stundum lit á nóttinni

Þarna leikur sjávargolan við mann og maður sér öldurótið ekki svo langt frá. Mér skilst að á góðum degi sjái til Eldeyjar, en því miður var rigningarsuddi og hálfgert dimmviðri svo ekki sýndi hún sig í þetta sinn.

Eftir kræsingar miklar, svo miklar að ekki verður kvöldmatur á þessum bæ í kvöld, og kaffi, fór Silla með okkur í skoðunarferð um nágrennið og þá opnaðist fyrir manni nýr heimur sem liggur þarna í friði og ró fyrir átroðningi fólks eins og mér, en ég efast um að margir viti hversu fallegt er þarna.

Eftir mikið spjall og hlátur, héldum við heim á leið, en bundumst áður fastmælum um að styrkja vináttuböndin enn frekar.

Takk fyrir daginn elskulegu hjón! 

Athugasemdir

[hilmar jónsson, 29.7.2011 kl. 20:05]

Segið svo að bloggið geti ekki leitt ýmislegt gott af sér..

[hilmar jónsson, 29.7.2011 kl. 20:32]

Já og talandi um Björn. Hann er að verða dularfyllsti bloggarinn í hópnum okkar. Bloggar seint og strokar út að morgni...

Ég vil fá hann aftur hér á bloggið í stöðuga og fasta viðveru..

[Ásthildur Cesil Þórðardóttir, 29.7.2011 kl. 20:38]

 Ég er sennilega of sein til að sjá bloggið hans að morgni, áður en hann þurrkar það út

[Bergljót Gunnarsdóttir, 29.7.2011 kl. 20:43]

Ég hef alltaf sagt að þetta er tóm vitleysa hjá honum. Hér með skora ég á þig Björn að hætta þessu næturgöltri , hefjast handa að morgni og leyfa því að standa. Þín er sárt saknað.

[Bergljót Gunnarsdóttir, 29.7.2011 kl. 20:47]

Æi, "næturgölti"

[Ásthildur Cesil Þórðardóttir, 29.7.2011 kl. 20:54]

Já Björn minn koma svo!!!

[Sigurbjörg Eiríksdóttir, 29.7.2011 kl. 21:11]

Takk sömuleiðis kæru Beggó og Oddur..Við nutum ekki síður en þið! Við mætum á Njarðargötuna þegar búið verður að mála bæinn "rauðan" að fullu. Tökum þessa rugluðu myndavél með..Hún er nefnilega farin að taka grafikmyndir sú gamla. Takk fyrir komuna í súldina á Stafnesinu.

[Bergljót Gunnarsdóttir, 29.7.2011 kl. 21:14]

Silla mín, þú mátt líka alveg taka aðeins til hendinni, þ.e.a.s. ef þú mátt vera að fyrir gestrisni!

[Bergljót Gunnarsdóttir, 29.7.2011 kl. 21:16]

Ég meina í blogginu auðvitað.

[Sigurbjörg Eiríksdóttir, 29.7.2011 kl. 21:20]

Já ég fer að taka við mér..Já Hilmar ég hef kynnst góðu fólki á Moggablogginu..Amk tveir vinir hafa komið í heimsókn:) Ég er alsæl bara.

[hilmar jónsson, 29.7.2011 kl. 21:35]

Maður fer að líta við...Fæ ég molasopa ?

[Sigurbjörg Eiríksdóttir, 29.7.2011 kl. 21:37]

Spurðu Beggó:) Hún fékk molasopa+ :)

[Bergljót Gunnarsdóttir, 29.7.2011 kl. 21:46]

Nammi, namm, kökurnar, og svo heilsunammi líka. Þér er sannarlega óhætt Hilmar.

[hilmar jónsson, 29.7.2011 kl. 21:53]

Heimilisfang ?

[hilmar jónsson, 29.7.2011 kl. 22:27]

Nei..djók...

[hilmar jónsson, 29.7.2011 kl. 22:38]

Og þó....

[Sigurbjörg Eiríksdóttir, 29.7.2011 kl. 22:45]

Alt fólk er velkomið til okkar Gunna:)

[Sigurbjörg Eiríksdóttir, 30.7.2011 kl. 18:08]

Ég meinti auðvitað bara allt gott fólk:):) En vinir Beggó eru vinir mínir:):)