Brosleit ferðaþjónusta?

Mikið er þetta látlausa væl í ferðaþjonustunni hvimleitt. Það er eins og þeir haldi að vegagerðin stjórni eldgosum og öðrum náttúruhamförum í landinu. Hvernig væri nú að þeir tækju á sig rögg einu sinni og björguðu málunum sjálfir, án þess að vera með stanslausar óframkvæmanlegar kröfur á aðra.

Hvernig væri að láta hendur standa fram úr ermum, finna bara nýja staði og leiðir fyrir ferðamennina á meðan þetta varir, og gera ferðina að skemmtilegri óvissuferð. Ég hef ekki trú á að fólk bregðist illa við ef tekið er á móti því með brosi og röskleika, í stað þess að allir séu með skeifu á munninum, yfir því að eitthvað fór úrskeiðis.

Býr þessi blessuð ferðaþjónusta ekki yfir neinu sem heitir plan B. Hrynur bara allt ef eitthvað kemur uppá?

Útlendingarnir vita vel hvað hefur gerst og þeir vita líka að enginn mannlegur máttur byggir brú á tveim til þrem dögum.

Neyðarástand í ferðaþjónustu

Athugasemdir

[Axel Jóhann Hallgrímsson, 10.7.2011 kl. 13:42]

Eymdarvælið er komið í steríó, SAF í annað eyrað og LÍÚ í hitt.

[Bergljót Gunnarsdóttir, 10.7.2011 kl. 13:50]

Þetta er farið að mann á hvalahljóðaupptökur, nema þetta er með kái.

[hilmar jónsson, 10.7.2011 kl. 15:07]

Sammála. Kveinið og hræðsluáróður SAF er pínlegur, og frumkvæðisleysið algjört.

[Bergljót Gunnarsdóttir, 10.7.2011 kl. 16:18]

Smá leiðr. "farið að  minna mann á"

[Árni Sigurður Pétursson, 11.7.2011 kl. 18:12]

ég bara verð að comment á þetta.

"Hvernig væri að láta hendur standa fram úr ermum, finna bara nýja staði og leiðir fyrir ferðamennina á meðan þetta vari"

þetta eru alveg einstaklega vitlaus ummæli.

 það að ferðamaður sem að átti pantar herbergi á hóteli á kirkjubæjarklaustri, pantað í siglingu um jökulsárlón og hópur sem að átti pantaða rútuferð eað útsýnisferð um vatnajökulsþjóðgarfari eitthvert annað, hjálpar engan vegin hóteleigandanum á klaustri eða þeim sem að rekur bátinn á jökulsárlóni.

það hjálpar heldur ekki þeim sem að búa á þessu svæði og hafa á einn eða annan hátt lífsviðurværi sitt af ferðaþjónustu Á ÞESSU SVÆÐI

 alveg einsog það hjálpar þér ekki neitt ef að  sá sem að ætlar að eiga viðskipti við þig ákveður að fara eitthvað annað. 

þó svo að ferðaþjónustan í heildina geti hugsanlega komið út á núlli (sem að ég leyfi mér samt að efast um) þá endar fólk austan við múlakvísl í mínus.

[Árni Sigurður Pétursson, 11.7.2011 kl. 18:13]

Og já, afsakið hvað þetta er eitthvað kjánalega skrifað, space takkinn á lyklaborðinu hjá mér er eitthvað að svíkjamig

[Bergljót Gunnarsdóttir, 11.7.2011 kl. 20:20]

Það er auðsætt að fólk austan Múlahvíslar tapar á þessu öllu, því hef ég ekki neitað. En af hverju er ekki plan B eins og ég talaði um. Það að hægt sé að hafa ferðamanninn sjálfan ánægðan, með breytu fyrirkomulagi ef svona hlutir gerast

Ég er klár á því að flestir myndu sætta sig við þetta, því nóg er af fallegum og áhugaverðum stöðum á landinu okkar.

Það er eins og fólk álíti að þessar hamfarir séu vegagerðinni, ferðaþjónustunni, eða jafnvel ríkisstjórninni að kenna. En staðreindin er sú að almættið eitt getur skrúfað frá þessu öllu, og gerið það bara þegar því þóknast, án þess að spyrja kóng eða prest.

Ég finn virkilega til með þeim sem stunda þessa stopulu atvinnugrein, þegar þetta bætist nú ofaná, en það er bara ekkert við því að gera, því miður.

[Ásthildur Cesil Þórðardóttir, 12.7.2011 kl. 00:08]

Nákvæmlega það er eins og það sé bara ekkert fyrir ferðamenn að gera af því að þessi brú er ekki til staðar.  Það er margt annað hægt að gera svei mér þá.

[Ásdís Sigurðardóttir, 12.7.2011 kl. 12:03]

Mikið er ég sammála þér :)

[Bernharð Hjaltalín, 12.7.2011 kl. 21:52]

Hvað má ferðaþjónustan fyrir vestan segja ? Hvað eru mörg ár síðan að Herra.

Ólafur Ragnar Grímsson forseti sagði að vegir um Barðaströnd væru lélegir

þeir hafa ekki lagast með árunum. Vegagerð Ríkisins er með mjög góðan

mannauð og vegir landsins hafa tekið miklum framförum, t.d. Ísafjarðardjúp

[Landfari, 13.7.2011 kl. 10:32]

Sælir eru einfaldir. Ég segi nú bara ekki annað.

[Ásthildur Cesil Þórðardóttir, 13.7.2011 kl. 12:57]

Já því að þeirra er guðsríki!!! ekki satt, bara ef sá guð væri nú til... rétt eins og fólk má tjá sig á þann hátt sem það kýs án þess að fá svona yfirlæti yfir sig af besservissurum.

[Landfari, 13.7.2011 kl. 18:06]

Satt segirðu Ásthildur, það er með ólíkindum hvað fólk þarna fyrir austan hefur mátt þola undanfarin ár þó ekki bætist við yfirlætis og jafnvel hrokafullar umræður bloggara sem vita best hvernig það á að haga sinni vinnu.

Miðað við yfirlæti Bergljótar hérna gagnvart þessu ferðaþjónustufólki þá hlýtur hún að vera með samþykkta atvinnuumsókn hjá einhverjum öðrum vinnuveitanda (plan B) ef hún skildi nú fyrirvaralaust missa vinnu hjá þeim sem hún vinnur hjá núna. Það er svo auðvel að vara "besservisser" þegar þú þarft ekki að standa við stóru orðin.

Hvað skildi valda því að hún er ekki í ferðaþjónustunni. Hún telur sig greinilega hafa betra vit á þessu en þeir sem eru í bransanum þannig að hún hefur samkvæmt því talsvert forskot á þetta lið og ætti því að geta grætt vel á þessu.

[Bergljót Gunnarsdóttir, 13.7.2011 kl. 20:15]

Ágæti Landfari.

Ég óska bæði þér og þínu fólki,  fyrir austan Múlahvísl, alls hins besta. En þar sem ég ræð hvorki veðri né vindum, né hef nokkurn fjárhagslegan ávinning af þessum hörmungum verð ég að vísa þessum ummælum þínum til föðurhúsana, bæði sem hrokafullum og hreinum dónaskap.

En ég sný ekki til baka með það sem ég skrifaði í upphafi, að ferðaþjónustan eða samtök hennar, eru orðin meiriháttar þreytandi með sífelldum kvörtunum og væli yfir hlutum sem eru engum að kenna og oft erfitt að bæta úr, í einum grænum.

[Landfari, 13.7.2011 kl. 23:01]

Ég veit nú ekki til þess Bergljót að ég eigi neina ættingja fyrir austan Múlahvíls en takk samt fyrir góðar óskir. Ef það er eitthvað sem orðið meira þreytandi en vælið í ferðaþjóustunni þá er það vælið yfir vælinu í ferðaþjónustunni. :)

Ég var bara góðfúslega að benda þér á að þar sem þú ert með lausnir á öllum vanda ferðaþjóustunnar þá væri það þjóðráð fyrir þig að hella þér út í bransann.

Ég sagði hvergi að þú réðir veðri og vindum né að þú hefðir fjárhagslegan ávinning af þesum hörmungum þannig að það er engu að vísa til föðurhúsa, hvorki dónaskap eða hroka.

Ef þér finnst það dónaskpur að benda á viðskiptatækifæri  fyrir mannesku með þína hæfileika, hvað er það þá þegar borgarbarn fer, í opinberum fjölmiðli, að kenna ferðaþjónustubændum hvernig á að reka sín fyrirtæki ?

Við erum ekki bara að tala um einhverja brú sem vandamál. Fyrst var það eldgos svo var það annað eldgos svo var það verkfall og þá fyrst kom að brúnni. Það sem magnar vandann að þessi "iðnaður" þarf að hafa mikla innkomu á þessum þremur mánuðum til að lifa af árið. Þess vegna er hann sérlega viðkvæmur fyrir truflunum á þessum tíma. 

Fólk sem er áskrifendur að laununum sínum (gegn vinnuframlagi, ég er ekki að gera lítið úr því) og fær þau millifærð inn á reikning sinn fljótt og örugglegaum hver mánaðarmót, á sumt hvert erfitt með að skynja vanda þeirra sem eru háðir óteljandi breytum hvort þeir fái yfirleitt laun þennan máuðinn.

Til að auka enn á óvissuna í þessum ferðabransa þá er öll fjölskyldan í sömu sveiflunni. Sjálfstæði iðnaðarmaðurinn í bænum sem hefur lítið að gera þennan máuðinn og minni innkomu á í mörgum tilfellum maka sem fellur ekki í launum þann sama mánuð.

Ég er þess fullviss að ef t.d. kæmi yfirþrýstingur á vatnskerfið í götunni heima hjá þér og vatnsleiðsla springi með þeim afleiðingum að húsið þitt yrði vatnslaust, tjörn myndaðist fyrir framan húsið þitt myndirðu stax kvarta ef þú sæir ekki stax hafist handa við viðgerð. Þú myndir ekki láta þá kvörtun aftra þér frá því að kvarta aftur ef tæring í heimæð heitavatnsins myndaði aftur tjörn mánuði seinna og húsið þitt lægi undir frostskemdum. Þrátt fyrir svona "væl" eftir "væl" myndirðu láta heyra frá þér ef skolpið í götunni færi nú að gubbast upp úr sprungnu röri í götunni fyir framan húsið þitt.

Mikið svakalega held ég að starfsmaðurinn í möttökunni hjá Veitunum væri orðinn þreyttur á að heyra röddina þína. Þú hefðir sko alveg getað bjargað þér með palni B. Verið með 10000 lítar vatnstank upp á lofti til að gípa til í neyðartilfellum og haft olíkyndingu kára til að grípa til þegar hitaveitan klikkar. 

Það er bara svo oft sem það er auðveldara um að tala í í að komast.

Það gera bara ekki allir sér grein fyrir því.

[Bergljót Gunnarsdóttir, 14.7.2011 kl. 11:28]

Mikið lifandis ósköp ertu leiðinlegur. Hefur þér aldrei verið sagt það áður? Nú skalt þú sjálfur pæla smávegis  í þessum hlutum sem þú ætlar mér, og þá sérðu hverslags leiðinda bull veltur upp úr þér. Læt hér með lokið að tala við þig, það er engan veginn þess virði.

[Landfari, 14.7.2011 kl. 12:06]

Sannleikanum verðu hver sárreiðastur.

Þegar rökin þrýtur er nærtækast að ráðast á perónuna, þú ert ekki ein um það. Hins vegar minnist ég þess ekkiað hafa verið kallaður "leiðnlegur" en það er alltaf frólegt að sjá hvernig rökþrota manneskur bregðast við. Einn þurkaði út alla bloggfærsluna þegar honum var bent á að hann hefði ekkert fyrir sér í fullyrðingum sem þar komu fram.

Var það ekki rebbinn sem sagði að berin hefðu hvort eð er verið súr?

 Ég er ekkert að pæla í ferðmannabransanum. Ég á, ólíkt sumum, engar lausnir á lager fyir þau vandamál sem þar kunna að koma upp og færi trúlega lóðbeint á hausinn.

Þér finnst kanski bara fúlt að það skuli ekki allir geta verið sammála þér en það verður nú bara að hafa það. Eigðu nú samt góðan dag og taktu gleði þína á ný. Aldrei að vita nema við verðum sammála i einhverju öðru máli.