Bætur til Breiðavíkur barnanna

Sanngirnisbætur nást aldrei í þessu máli, til þess var meðferðin of ósanngjörn. Að taka ómótuð börn og meðhöndla á þann hátt sem gert var er þvílíkur glæpur að engin leið er til að taka sanngjarnt á málinu.

Þessir drengir voru þarna flestir af því þeir áttu bágt og tilgangur dvalarinnar að gera þeim lífið bærilegra og hjálpa þeim til betra lífs , en starfsmenn voru þvílík illmenni að dvölin breyttist í helvíti. Þessir drengir áttu enga von um rettlæti og gátu ekkert snúið sér þegar þessi ruslaralýður misbeitti valdi sínu á hroðalegasta hátt.

Mér finnst alveg rétt sem kemur fram í féttinni að upphæð bótanna sem slík skipti etv. ekki mestu máli, heldur uppreisn æru þessara drengja sem komu allir skemmdir og mismikið niðurbrotnir út í lífið. Það sem þeir þurftu að þola var svo skelfilegt að jafnvel þeir sem urðu harðsvíraðir glæpamenn treystu sér ekki til að tala um það.

Fyrrverandi tengdasonur minn, greindur og góður maður, og hvers manns huglúfi var einn af þessum drengjum. Hann var ofvirkur sem barn og þegar foreldrarnir treystu sér ekki til að hafa hann heima var hann sendur á þetta svokallaða "heimili" Við skildum ekki hvað var sem þjakaði hann og leiddi að lokum til dauða, fyrr en upp kom að hann hafði verið í Breiðavík allangan tíma sem ungur drengur.

Sögurnar af staðarhöldurum voru ekki fagrar, en aldrei talaði hann þó um ofbeldið í öllum myndum sem við fréttum af seinna. Til þess var það of skelfilegt.

Hvar er þetta starfsfólk í dag og ef það er lifandi verður það þá ekki látið sæta ábyrgð. Það væri sanngirnin í málinu.

Sanngirnisbæturnar ræddar

Athugasemdir

[Axel Jóhann Hallgrímsson, 19.3.2011 kl. 00:02]

Fréttir eru óljósar en það sem heyrst hefur virkar ekki á mann sem sú sátt sem lagt var upp með að yrði gerð. Tala nú ekki um hafi dómendur tekið sér hærri þóknun en þeim fannst hæfa þeim sem þjáðust í Breiðavíkur ....... !

[Ragnhildur L. Guðmundsdóttir (IP-tala skráð) 19.3.2011 kl. 00:25]

Þetta á ekki að samþykkja nema með fyrirvara, á ekki að samþykkja að ekki komi til frekari kröfur. Finnst að bæjarfélög viðkomandi vistheimilisbarna skuldi þeim afsökun og að auki greiði þeim bætur á móti ríkinu þá væri e.t.v. hægt að tala um sanngirnisbætur. Peningar einir og sér bæta þessum börnum ekki þá niðurlægingu sem þau þurftu að þola en matið eftir þessu punktakerfi þar sem verið er að leggja mat á þjáningu þeirra er undarlegt og virkar eins og það eigi áfram að niðurlægja þessi börn með því að gera lítið úr þjáningu þeirra.

[Bergljót Gunnarsdóttir, 19.3.2011 kl. 00:48]

Fullkomnlega sammála þér Ragnhildur. En hvað finnst þér um fólkið sem stjórnaði þessum heimilum?

[Bergljót Gunnarsdóttir, 19.3.2011 kl. 00:53]

Ef dómendur hafa tekið sér hærri laun en þolendunum eru ætlaðar, eru þeir bara gjörspilltir að mínu mati. Það er ótrúlegt hvað menn eru duglegir að mata krókinn við öll tækifæri og tilefni. 

[Lara (IP-tala skráð) 19.3.2011 kl. 02:10]

Verst af öllu þá er þessu ekki lokið! Eitt tekur við af öðru, ég sver þetta er bara mannvonska. Má þetta fólk ekki fá frið !

[Guðmundur Júlíusson, 19.3.2011 kl. 02:30]

Þessu verður aldrei lokið, og þessir aðillar sem  hlut eiga að máli munu alltaf  fá að finna sársaukann sem þessum minningum fylgir,  það er staðreynd málsins og sívirðileg, ríkinu til skammar, sem og allt annað í raun!!!

[Bergljót Gunnarsdóttir, 19.3.2011 kl. 02:44]

Eins og ég gerði miklar væntingar til Jóhönnu, hefur stjórn hennar ekkert gert annað en að draga þetta á langinn og líta í aðra átt, sem og í öðrum málum, öðrum en þessu bansettu Icesave rugli sem þau eru svona æst að samþykkja til að geta síðan reynt að troða okkur inn í ESB og ganga þar með að öllum líkindum endanlega frá efnahag landsins til framtíðar..

Tími Jóhönnu kom eins og hún spáði sjálf, en nú finnst mér hennar tími kominn, til að hætta!

[Guðmundur Júlíusson, 19.3.2011 kl. 02:58]

Segðu!

[corvus corax, 19.3.2011 kl. 07:51]

Jóhanna Sig ætlaði heldur betur að slá sig til riddara í þessu máli til að auka á eigin vinsældir. En niðurstaðan segir allt sem segja þarf um hana og þessa ríkisstjórn andskotans sem hún heldur að hún stýri. Ef einhver dugur væri í henni tæki hún af skarið og léti ríkið greiða þessum fórnarlömbum mannvonsku stjórnvalda á sínum tíma a.m.k. jafnháar bætur og rekstraraðili unglingaheimilis fékk á dögunum fyrir samningsslit. Þær bætur þurftu ekki að fara fyrir neina andskotans sjálftökunefnd lögfræðinga. Fjármálaráðherra ákvað þar upp á sitt eindæmi að borga brúsann. En þegar kemur að því að efna loforð forsætisráðherra er sett á laggirnar nefnd sem hefur það hlutverk að lágmarka þessar greiðslu eins og mögulegt er, eftir að búið er að draga málið á langinn í þeirri von að almenningur sé búinn að gleyma loforði forsætisráðherra og taki því ekki eftir því hvaða lágkúra kemur út úr málinu. Og að sjálfsögðu eru lögfræðingar nefndarinnar búnir að tryggja sér megnið að peningunum sem áttu að fara í bótagreiðslurnar. Þeir eru nefnilega í sjálftökuliðinu sem starfar í skjóli forsætisráðherra og fjármálaráðherra í norrænu velferðarstjórninni.

[Ingibjörg Guðrún Magnúsdóttir, 19.3.2011 kl. 08:20]

Já það verður að koma þessari Ríkisstjórn frá strax....

[Jón Þór Baldvinsson, 19.3.2011 kl. 14:58]

Hef verið að lesa Bloggin tengd málinu og er guðslifandi feginn að ekki séu allir á Íslandi mannleysur og kvikindi. Faðir minn er einn hinna látnu og var planið mitt að nota allan minn part að þessum litlu aurum fyrir leiðið hans og hluti sem ég veit hann hefði viljað sjá gert. En eitt var honum hjartfógnara meir en nokkru öðru og það var réttlæti gegn kerfinu sem drap hann að innann. Við börn hans bíðum enn eftir svar en frá því sem þegar hefur komið fram í málinu get ég nánast fullyrt að við munum láta lögfræðing okkar sem er nú þegar í málinu fara í hart. Þetta mál er allt einn viðbjóður og illa staðið að allri afgreiðslu málsins. Frekar vil ég tapa öllu eins og hótaninnar þeirra hjóða uppá en að beygja mig í duftið fyrir þessa aumingja. Nógu slæmt var að missa hann pabba eftir langa baráttu í sjálfsvíg, mann sem við öll systkynin elskuðum og dáðu en þetta mál allt ýfir bara upp sársaukan og reiðina. Og svona að lokum vill ég deila link á andládsgrein morðingja pabba og einnig eins þess versta sem var við völd á Breiðuvík. Brosmildur allt til efri ára og lifði til áttræðis aldurs, eitthvað sem flestum þessara drengja mun líklegast aldrei gefast tækifæri til.

ÞÓRHALLUR HÁLFDÁNARSON

   http://www.mbl.is/mm/gagnasafn/grein.html?grein_id=631556

[Bergljót Gunnarsdóttir, 19.3.2011 kl. 19:12]

Svona fólk ber það því miður ekki utan á sér, þannig að hægt sé að varast það. Að sjá að menn sem virðast ágætis feður og afar, skuli nota tækifærið til að níðast á saklausum og varnarlausum börnum er skelfilegt. Þetta er eins og Dr. Jekyll og Mr. Hyde.

Eins hlýtur fjölskyldu mannsins að líða herfilega með að maður sem þau elskuðu skuli hafa verið slíkur úlfur í sauðagæru.

Þessi maður hefur semsagt eitrað á alla kanta.

[Bergljót Gunnarsdóttir, 19.3.2011 kl. 19:27]

Jón Þór þakka þér fyrir innleggið og hreinskilnina. Nógu erfitt var mér að skrifa þetta blogg þó mér fyndist það nauðsynlegt.

[Jóhanna Magnúsdóttir, 20.3.2011 kl. 17:49]

Ég fann þetta viðtal i DV - einmitt um þennan mann,  svakalegt.

Smellið hér.