Hvað skal nú til varnar verða?

Lögreglustjóri segir yfirgnæfandi líkur á að blessuð konan haldi afbrotaferlinu áfram verði hún látin laus og virðist það auðsætt mál. Hún sat inni í eitt ár og það er eini  tíminn sem hún gat ekki svindlað og svikið á meðan aðrir voru grunlausir í kringum hana.

Nú á hún að sleppa út 17. des. þannig að hún ætti að hafa tíma til að stela jólagjöfum og svo er hægt að stinga henni aftur inn eftir áramót, ekki satt?

Er ekki auðveldari leið að dæma svona síbrotamanneskju í endurhæfingarmeðferð, frekar en að stinga henni í fangelsi, aftur og aftur, því það virðist hafa sýnt sig að það gerir ekkert annað en að æsa upp brotaviljann, eða allavega lítur það þannig út.

Áfram í gæsluvarðhaldi

Athugasemdir

[corvus corax, 23.11.2010 kl. 18:16]

Eru ekki yfirgnæfandi líkur á því að banka-útrásar-glæpahyskið haldi áfram afbrotaferlinu ef það er ekki sett í gæsluvarðhald. Úps, nú man ég, gæsluvarðhald og fangelsi eru bara fyrir sjúklinga og smákrimma.

[Björn Jónsson, 23.11.2010 kl. 18:50]

Sæl Bergljót.

Blessuð konan á virkilega bágt og aðstandendur hennar ekki síður. Bíddu við!!!! Endurhæfingarmeðferð!!! Er þetta ekki sama og heilaþvottur ? Bara fágaðra heiti?

Allskonar ,, ystar " hafa notað þessa aðferð til að, reina að steypa fólk í sama mót, þá eftir sínum skoðunum.

Vonandi fær konan farsæla lausn á sínum málum, hvort það verði með heilaþvætti eða öðrum aðferðum, verða háskólamenntaðir ,, fræðingar " látnir sjá um.

[Bergljót Gunnarsdóttir, 23.11.2010 kl. 19:56]

Sæll Björn. Það sem ég var að tala um held ég að heyri ekki undir neina sérstaka"ista" og ekki er meiningin að reyna að steypa neinn í sama mót. Heilaþvottur er oftast notaður í sambandi við pólitískar skoðanir, og fáránlegt að tala um hann í þessu sambandi Ég sé ekki að það geti gert neinum illt að læra að lifa eins og siðuð manneskja, í samfélagi sem á að vera siðað. Það hefur ekkert með persónulegar skoðanir neins í heilbrigðisgeiranum  að gera.

Endurhæfingarmeðferð  talaði ég um til að hjálpa afvegaleiddri glæpahneigðri manneskju að finna sig og geta lifað og notið sín í samfélaginu.

Þó að stærstu og mestu fjárglæfra glæpamenn Íslands nokkurn tímann gangi lausir, sem er skömm, sé ég ekki að hver og einn eigi bara að geta gengið um og hegðað sér eins og hann vill. Málið er bara það að ef þú ætlar að lifa í siðuðu samfélagi, verðurðu að semja þig að háttum þess og það án einhverra útúrsnúninga.

Corvus, Ég efast ekki um það.

Báðir, Ég var ekki að ráðast á konuna. Ég var rétt að benda á að fangelsi er ekki besta lausnin fyrir augljósa sjúklinga. 

[Axel Jóhann Axelsson, 24.11.2010 kl. 09:57]

Sammála þér Bergljót.  Svona eru nú oft athugasemdirnar sem fólk fær við góðum og vel meintum bloggum.  Það er ótrúlega mikið af hugsanaheftu fólki á sveimi, ef marka má af ýmsum innskotum á bloggið.