Hvers vegna?

Auðvitað ber fyrst og fremst að þakka giftusamelga björgun mannanna, jafnvel þótt í börgunarstóli hefði verið, sem er þó ekki víst af nýjustu fregnum.

En af hverju eru menn að leggja í svona ferðir, illa búnir af tækjum og ekki í samfloti við neinn. Ef þú ert að leggja í einhvern leiðangur, sem getur á augabragði breyst í háskaleiðangur, þrír menn saman, ættu þeir að vera á tveim bílum. Ég veit ekki hvort spil hefði komið að einhverju gagni þarna, en hefði svei mér þá ekki vorkennt þeim þó þeir hefðu fengið að súpa smávegis úr björgunarstóli.

Maður er að verða langþreyttur á að lesa fréttir um menn sem æða um allt,  þegar allra veðra er von og svo á bara að hlaupa til og bjarga þeim. Þetta er bara frekja.

Bjargað af eyri í Núpsvötnum

Athugasemdir

[Oddur (IP-tala skráð) 26.9.2010 kl. 12:55]

Drengurinn lagði sig í lífshættu við að komast út á eyrina.

Skyldi þessi aðgerð standast gagnrýna skoðun?

Var eitthvað sem knúði hann til þess að leggja sig í lífshættu? Var virkilega ekki tími til að bíða eftir þessu fluglínutæki? Mátti bókstaflega engan tíma missa? Svar óskast frá viðkomandi björgunarsveit. Þetta eru já/nei spurningar. Ekki flækja málið, takk. Samkvæmt frásögninni ættu svörin að vera já-nei-nei.

Mér sýnist nefnilega að þetta lykti af vanhugsuðum metnaði. Takið eftir því að sundmaðurinn sagðist hafa viljað "prufa að synda og athuga hvort hann hefði það".

Er ekki réttara að björgunarsveitir geri slíkar tilraunir í æfingatímanum sínum í stað þess að æfa sig á fólki.

Og hvað, voru gerðar ráðstafanir ef björgunarsveitamaðurinn "hefði það ekki".

[Páll Jónsson, 26.9.2010 kl. 13:14]

Meh... maðurinn var vitanlega í flotgalla og fastur við línuna, hefði hann ekki náð þá hefði hann væntanlega verið dreginn eins og korktappi aftur í land. Engin ástæða til að fyllast af heilagri hneykslan sýnist mér. 

[Bergljót Gunnarsdóttir, 26.9.2010 kl. 14:17]

Páll, en það er nákvæmlega það sem ég geri, ungt fólk virðist svo oft ekki skilja hversu stutt bilið milli lífs og dauða er.

Hvers vegna heldurðu að hvert dauðaslysið á fætur öðru hafi hent hér á landi. Fólk er að láta reyna á hluti sem það ræður ekki við, en þó virðist að það sé oftast gert í algeru hugsunarleysi. Svo eru þeir sem að æða upp um fjöll og fyrnindi illa klæddir þegar allra veðra er von, o.s.frv., o.s.frv.

Hugsaðu þér bara hversu margir eiga um sárt að binda eftir svona vanhugsaða skemmtun þeirra sem hana stunda. Þetta bara hreinlega gengur ekki, og pilturinn sem hefði getað, mögulega, verið dreginn til baka eins og korktappi er björgunarsveitamaður. Þurfa þeir ekki einmitt þeir að sýna gott fordæmi, nóg er af hinum?

[Páll Jónsson, 26.9.2010 kl. 15:44]

Ég var nú að svara því sem Oddur sagði, ekki þú, auðvitað er ég sammála þér að þessi menn hafi ekki átt að vera að væflast uppi í Núpsvötnum í þessari veðurspá.

Hins vegar á ég erfitt með að skilja kvartanir yfir því að björgunarsveitarmaður stökkvi út í á klæddur í flotgalla og bundinn í spotta. Þetta er það sem þeir eru þjálfaðir í og ef þeir hafa talið hættuna borga sig með hliðsjón af tímasparnaðinum þá er það varla mitt eða þitt að efast um það mat.

[Oddur (IP-tala skráð) 26.9.2010 kl. 21:02]

"þjálfaðir í" segirðu Páll.

Var ekki haft eftir björgunarsveitamanninum að hann langaði til að "prufa"? Eru æfingar ekki rétti vettvangur til að prufa getu sína?

Alla vega; ef hann er svona óskaplega þjálfaður í þessu, þá um að gera að halda þessu áfram. Eina sem ég var að koma á framfæri voru gagnrýnar spurningar.

Ef rétt var að þessu staðið, þá stenst þessi aðgerð skoðun. Um það erum við öll sammála.

Hví þá að vera skammast í mér Páll minn?

[Páll Jónsson, 27.9.2010 kl. 00:42]

Vegna þess að þú virðist sjálfkrafa gera ráð fyrir því að menn séu ábyrgðarlausir kúrekar. Leiðinda besservisseraháttur.

[Oddur (IP-tala skráð) 27.9.2010 kl. 11:28]

Nú minnirðu svolítið á stjórnmálamann af gamla skólanum. Missir tök á umræðunni og beitir hroka. Getur vissulega verið mjög áhrifaríkt þegar vel tekst til en oftast sést í gegnum svona tilþrif.

Besservisserahátturinn meinti, var ekki annað en spurningar. Þú ert ekki enn búinn að sýna nokkurn áhuga né vit á að ræða málið af einhverju gagni.

[Páll Jónsson, 27.9.2010 kl. 14:26]

Beiti ég hroka? Ertu búinn að lesa upprunalegu færsluna þína?

Veiðimenn sitja á minnkandi eyri í miðri ánni og björgunarsveitarmenn á árbakkanum. Áður en baslað er með fluglínutækið ákveða þeir að prufa að synda yfir líkt og gert er á æfingum. Maður er sendur út í á klæddur í flotgalla, björgunarvesti og með línu um sig sem deilt er út eftir þörfum af liði á bakkanum... það þarf ekki eðlisfræðing til að sjá hvað gerist ef þetta tekst ekki, eins og pendúll í bandi bærist viðkomandi með straumnum að eigin árbakka.

En hey! Það tókst, frábært. Hraustur gaur að komast yfir.

Enginn vanhugsaður metnaður. Engar tilraunir gerðar sem ekki voru áður æfðar. Engar sérstakar ráðstafanir nauðsynlegar hefði það ekki tekist. 

Flott að menn séu tilbúnir til að standa í þessu þegar skrifstofublækur eins og ég verða sér að voða einhvers staðar. 

[Bergljót Gunnarsdóttir, 28.9.2010 kl. 12:33]

Ég  þakka þér Oddur, fyrir að koma með málefnalega spurningu og vona að "skrifstofubókin" Páll fari sér ekki að voða annarsstaðar, því það er dýrt að hegða sér ekki í samræmi við kringumstæður , bæði útkall björgunarsveita, en mannslífið er þó þúsund sinnum verðmætara en það. Ég held því ennþá fram, eins og í byrjun, að það er ekkert nema frekja að æða hugsunarlaust áfram í öllum veðrum, út í hvað sem er, og ætlast svo til að vera bara bjargað, eins og það sé nákvæmlega ekkert mál.